2023 оны 12 дугаар сарын сүүлийн арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур: Агаарын дундаж температур энэ арав хоногт  Цахир, Өлзийт сумдын нутгаар 20,1-24,1 градус, Эрдэнэбулган, Булган, Төвшрүүлэх, Жаргалант, Цэцэрлэг сумдын  нутгаар  10,5-12,7 градус, бусад сумдын нутгаар 15,0 -19,9 градус хүйтэн байлаа.  Агаарт өдөртөө Төвшрүүлэх, Эрдэнэбулган  сумдын  нутгаар  1-2 градус дулаан,  Тариат, Цахир, Өлзийт, Өгийнуур, Хашаат сумдын нутгаар 6,0-10,0 градус, бусад сумдын нутгаар 1-4 градус хүйтэн  байсан байна. Агаарт шөнөдөө Өгийнуур, Өлзийт сумдын нутгаар 41,0-42,0 градус, Жаргалант,  Цэцэрлэг, Эрдэнэбулган сумдын нутгаар  26,0-28,0 градус, бусад сумдын нутгаар 32,0-38,0 градус хүйтэн байсан байна.

Хөрсний гадаргын температур: Хөрсний  гадаргын  дундаж  температур энэ арав хоногт Тариат, Өлзийт, Өгийнуур, ӨндөрУлаан, Цахир сумдын  нутгаар 20,0 - 23,0 градус, бусад сумдын нутгаар 14,0-19,0 градус хүйтэн байлаа. Хөрсний гадарга дээр өдөртөө Эрдэнэбулган, Төвшрүүлэх сумдын нутгаар 4,0-5,0  градус дулаан, бусад сумдын нутгаар 2,0-7,0 градус хүйтэн байв. Хөрсний  гадарга дээр шөнөдөө Өлзийт, Өгийнуур, Чулуут сумдын  нутгаар  40,1-43,0  градус , бусад сумдын нутгаар 34,0-39,0 градус хүйтэн  байсан байна

Хур тунадас: Энэ арав хоногт аймгийн нийт нутгаар 1-2 удаа цас орсон байлаа. Нийт нутгаар 0,7-3,2 мм тунадас орсон байв.

Салхи: Энэ арав хоногт аймгийн  нийт нутгаар салхины хамгийн  их хурд түр  зуур секундэт 6-14 метр хүртэл ширүүссэн бөгөөд хамгийн их хурд нь  Эрдэнэмандал  сумын нутгаар  түр зуур секундэт 14 метр  хүрсэн байна. 10 м/с–ээс их салхитай өдөр ӨндөрУлаан, Хайрхан, Чулуут, Хашаат, Цахир сумдын нутгаар ажиглагдаагүй, бусад  сумдын нутгаар  1-7 өдөр  ажиглагдсан байлаа.

Цасан бүрхүүл:Энэ сарын 31 -ны байдлаар сумын төвийн ойролцоо хэмжсэн цасны мэдээгээр   аймгийн нийт нутгаар  цастай байна. Цасны дундаж зузаан Эрдэнэмандал, Төвшрүүлэх,  Батцэнгэл, Хайрхан сумдын нутгаар 15-21 см, Цахир, Тариат, Хангай, Өгийнуур,  Жаргалант сумдын нутгаар 12-14см,  бусад сумдын нутгаар 5-10 см, цасны дундаж нягт Эрдэнэбулган, Цэцэрлэг сумдын нутгаар 0,09-0,15 г/см³ , Тариат, Цахир, Эрдэнэмандал сумдын нутгаар 0,23-0,29 г/см³ , бусад сумдын нутгаар 0,16-0,22 г/см³  байлаа.

Цаг хүндэрсэн үеийн  цасны нэмэлт ажиглалтын мэдээгээр  Эрдэнэмандал сумын нутгаар  цасны дундаж зузаан 20 -37 см, дундаж нягт  0,20 -0,29  г/см³ , Цэцэрлэг сумын нутгаар  цасны дундаж зузаан 12 -20 см, дундаж нягт  0,20 -0,26  г/см³ байсан байна.

ХАА-н үйлдвэрлэлд цаг агаарын нөлөөлөл: МАА-н үйлдвэрлэлд  малд нэмэгдэл тэжээл өгөх, отор нүүдэл хийх  зэрэг ажлууд явагдаж байна. Энэ сарын 31-ний байдлаар аймгийн нийт нутгаар  өдөр шөнийн темпертурын хэлбэлзлэл ихтэй, агаарын дундаж температур  олон жилийн дунджаас нийт  нутгаар хүйтэн, шөнөдөө агаарт 30,0-42,0 градус, хөрсөнд 34,0 – 43,0  градус хүрч хүйтэрч,  цас ихтэй байгаа нь өвөлжилтийн байдлыг хүндрүүж байна. Малын усан хангамж аймгийн нийт нутгаар  дунд байсан байна.

Архангай  УЦУОШТ-ийн ХААЦУ-ын салбар